İT Biznes Analitika nədir?

Bir şirkətdə olan biznesə aid problemləri aşkar etmək, onları analiz etmək və texnoloji həll təklif etmək prosesidir. İT Biznes Analitika sahəsinin əsas məqsədi biznesin problemlərini həll edərək istehlakçılara, müştərilərə daha yaxşı xidmət verməkdir. Daha yaxşı anlamaq üçün biznes analitikasının nə olduğunu bilməliyik.

Biznes Analitika anlayışı

21-ci əsrdə texnologiya inkişaf etdikdə data anlayışı və önəmi eyni sürətdə artmağa davam edir. Şirkətlər artıq “təxmin edirəm ki…” yanaşmasından uzaqlaşıb “data göstərir ki…” yanaşmasına keçiblər. Məhz buna görə də biznesin böyüməsi üçün biznes analitikası ortaya çıxır. Bu sahə məlumatları toplayır, analiz edir və qərar vermə prosesinə dəstək olur.

İT sahəsində rolu

İT Biznes Analitika bu anlayışı texnologiya ilə birləşdirən əsas fiqurdur. O, biznes tərəfi ilə texniki komanda arasında körpü və ya əlaqə rolunu oynayır. Sadə izah etsək, bir şirkət yeni mobil tətbiq hazırlamaq istəyir. Rəhbərlik ümumi ideyanı bilir, amma proqramçılar üçün bu kifayət deyil. Onlara konkret funksiyalar, sistem davranışları və texniki tələblər lazımdır.

İT biznes analitik məhz bu mərhələdə ortaya çıxır. O, biznes ideyasını detallı şəkildə analiz edir və onu texniki komandaya uyğun formada təqdim edir. Bu prosesdə həm biznes məqsədlərini qorumaq, həm də texniki məhdudiyyətləri nəzərə almaq vacibdir.

Nəyə görə İT Biznes Analitikaya tələb çoxdur?

Bizneslər inkişaf və böyümək üçün hər zaman müştərilərin problemlərini həll etməli, istəklərini nəzərə almalıdır. Digitallaşan dünyada, bizneslər müştərilərin məhsul və xidmətlərin daha əl çatan olması məqsədli daha çox saytlar, proqramlar və başqa digital alternativlərlə işləyirlər. İnsanlar bu digital vasitələrdən istifadə etdikcə hər zaman istək və problemləri yaranır. Bu səbəbdən də İT Biznes Analitiklərə hər zaman ehtiyac olacaqdır.

İT Biznes Analitika maaşları

Dünya inkişaf etdikcə, texnologiya irəlilədikcə digital məhsullara tələb daha da çoxalır. Bu isə daha çox istək və ehtiyacların yaranmasına, problemlərin həll olunmasına səbəb olur.

Ölkəmizdə bu sahə üzrə maaşlar kiçik mütəxəssislər üçün təqribən 700 - 1000 AZN arası dəyişir. Hər sahədə olduğu kimi öz üzərində işləyən, peşəkarlaşan insanlar həm vəzifələrini həm də maaşlarını artıra bilər. Buna görə də hazırda İT Biznes Analitik kimi peşəkarlaşan, aparıcı, baş pozisiyalarda maaşlar 2,500 – 4,000 AZN arasında dəyişə bilir.

İT Biznes Analitika üçün lazım olan bacarıqlar hansılardır?

Peşəkar bir İT biznes analitik həm biznesi bilməli, həm də İT komandasını idarə etməyi bacarmalıdır. Bu vəzifədə çalışan insanların həm texniki (Hard skills) həm də yumşaq (Soft skills) bacarıqları yetərli qədər olmalıdır.

Texniki bacarıqlar (Hard skills)

İT Biznes Analitik olmaq istəyən insan üçün texniki bilik təməl rolunda olmalıdır. Şəxs özü proqramçı kimi kod yazmasa da, prosesin necə işlədiyini bilməlidir.

Bundan əlavə olaraq datalar üzərində işləməsi üçün SQL biliyinin olması vacibdir. Məlumatları analiz etmək, datalardan istifadə edib nəticə çıxara bilməlidir.

Həmçinin Agile və Scrum metodları haqqında dərin biliklərə sahib olmalıdır. Çünki İT layihələrinin əksəriyyəti bu metodlar əsasında həyata keçirilir. API-lər, sistem inteqrasiyası və əsas proqramlaşdırma anlayışları da analitiklərin işini daha effektiv edir.

Texniki bacarıqlar analitikin işini daha dəqiq və strukturlaşdırılmış edir. Bu bacarıqlar olmadan düzgün analiz aparmaq və nəticələri təqdim etmək çətin olur.

Yumşaq bacarıqlar (Soft skills)

Texniki biliklər nə qədər önəmli olsa da, İT Biznes Analitik iki tərəf arasında əlaqə rolunu oynadığı üçün güclü yumşaq bacarıqlara sahib olmalıdır.

Ən vacib bacarıqlardan biri kommunikasiyadır. Analitik olan şəxs, dərin, qarmaşıq texniki məlumatları sadə dillə izah etməyi bacarmalıdır. Bu, həm rəhbərliklə, həm də texniki komanda ilə effektiv işləməyə imkan verir. Digər tərəfdən, kritik düşüncə bacarığı da çox vacibdir. Analitik hər məlumatı analiz etməli və düzgün nəticə çıxarmalıdır.

Empatiya, komandada işləmək bacarığı və vaxtın düzgün idarə olunması da bu rolda uğur qazanmaq üçün əsas amillərdəndir. Çünki İT Biznes Analitik müxtəlif maraqları olan tərəflərlə işləyir və bu maraqları balanslaşdırmalıdır.

İT Biznes Analitika Prosesi

Bir məsələnin, problemin həlli və ya biznesin inkişafı üçün proses əsasən iki yoldan keçir. 1. Analiz prosesi. 2. Layihə mərhələsi.

1. Analiz prosesi

İlk mərhələ tələblərin toplanmasıdır. Bu mərhələdə analitik maraqlı tərəflərlə görüşərək onların ehtiyaclarını müəyyən edir. Daha sonra bu tələblər analiz olunur və strukturlaşdırılır.

Növbəti mərhələ model qurma və sənədləşmədir. Analitiklər proses diaqramları, istifadəçi ssenariləri və digər sənədlər hazırlayır. Bu sənədlər texniki komanda üçün əsas yol xəritəsi rolunu oynayır.

Daha sonra təsdiq və test mərhələsi gəlir. Bu mərhələdə hazırlanan həllərin biznes tələblərinə uyğun olub-olmadığı yoxlanılır. Əgər problemlər aşkar olunarsa, düzəlişlər edilir.

Bu mərhələlərin hər biri bir-biri ilə əlaqəlidir və hər hansı birində səhv olarsa, bütün layihə risk altına düşə bilər.

2. Layihə mərhələsi

İT layihələri müəyyən bir həyat dövrünə malikdir və İT biznes analitik bu dövrün demək olar ki, bütün mərhələlərində iştirak edir. Bu dövr adətən planlama, inkişaf, test və tətbiq mərhələlərindən ibarət olur.

Planlama mərhələsində analitik əsas rol oynayır. O, layihənin məqsədini müəyyən edir və tələbləri toplayır. İnkişaf mərhələsində isə texniki komanda ilə sıx əməkdaşlıq edir və prosesin düzgün getdiyini izləyir.

Test mərhələsində analitik hazırlanan məhsulun biznes tələblərinə uyğun olub-olmadığını yoxlayır. Son olaraq, tətbiq mərhələsində məhsul istifadəçilərə təqdim olunur və analitik nəticələri analiz edir.

Bu proses davamlı bir dövrdür və hər layihə yeni öyrənmə imkanları yaradır. Bu da İT biznes analitik peşəsini həm dinamik, həm də maraqlı edir.

İT Biznes Analitika sahəsini 0-dan necə öyrənmək olar?

Handex Təhsil Mərkəzində tədris olunan Süni intellekt əsaslı İT Biznes Analitika təhsili olaraq 0-dan heç bir məlumatınız olmadan tam mütəxəssis kimi çalışacaq bilgilərə sahib olacaqsınız. Təhsilin əsas üstünlükləri, 15 illik təcrübəyə sahib rəhbər və aparıcı şəxslərdən, bir-başa iş mühitindən olan tapşırıqlar və beynəlxalq standartlar əsasında hazırlanan sillabus ilə təhsil alacaqsınız.

İT Biznes Analitika nədir? Niyə şirkətlər bu vəzifəyə yüksək əmək haqqı verir?

İT Biznes Analitika nədir? Niyə şirkətlər bu vəzifəyə yüksək əmək haqqı verir?